Mohabbat Diary Har Giz Nahi Hai

Mohabbat Diary Har Giz Nahi Hai
Mohabbat Diary Har Giz Nahi Hai
Jis mein tum likho
Ke kal kis rang ke kapre pehn'ne hain, kon si khushboo lagani hai?
Kis se kya baat kehni hai, kon si kis se chupani hai?
Kahan kis pair ke saye tale milna hai?
Mil kar pouchna hai
Kia tumhen mujh se muhabbat hai?
Yeh farsuda sa jumla hai
Magar phir bhi yahi jumla
Gali koochon mein chubaron mein
Chubaron ki tooti seerhiyon par Har koi kisi se keh raha hai
Kia tumhe muje se mohabbat hai?

Mohabbat Diary Nahi Hai
Jis mein tum likho ke
kya baat kehni hai, kon si kis se chupani hai?
Kis ke saath kitne door tak jana hai aur kab loat aana hai
Kahan aankhain jhukani hain aur kahan palkain uthani hain
Ya yeh likho ke ab ki baar jab woh milne aaye ga
To uska haath haathon mein le kar, dhanak chehre par roshan
Jagmagati uski aankhon mein utar jaenge, aur phir
Gulshan-o-Sehra ke beechon beech dil ki saltanat mein khaak uraein ge

Bohat mumkin hai woh ujlat mein aaye
Aur tum us ke haath haathon mein na le pao
Na aakhon hi mein jhanko, aur na dil ki saltanat mein khaak ura pao
Jaha par guftago karni hai tum khamosh ho jao
Jaha khamosh rehna hai wahan tum bolte jao
Naye kapre pehan kar ghar se niklo mele ho jao
Koi khushbo lagane ka irada ho tu sheeshi hath se gir jaye
Tum viraan ho jao
Safar karne se pehle be sar-o-samaan ho jao
Mohabbat Diary Har Giz Nahi Hai

Aab-e-ju hai
Jo dilon ke darmiyan behti hui khushbon hai
Kabi palkon pe lehraye to aankhain hansne lagti hain
Jo aankhon ke raste dil mein uthar jaye to
Manzar aur pas-e-manzar mein shammein jalne lagti hain
Kisi bi rang ko chhu le
Woh dil ko gawara hai
Kisi matti mein mil jaye
Wahi matti sitaara hai...

Mohabbat Diary Har Giz Nahi Hai...

(Poetess : Mona Sahar)

محبت ڈائری ہرگز نہیں ہے

محبت ڈائری ہرگز نہیں ہے
جس میں تم لکّھو
کہ کل کس رنگ کے کپڑے پہننے ، کون سی خوشبولگانی ہے
کسے کیا بات کہنی ہے، کون سی کس سے چھپانی ہے
کہاں کس پیڑ کے سائے تلے ملنا ہے
مل کر پوچھنا ہے
کیا تمھیں مجھ سے محبت ہے
یہ فرسودہ سا جُملہ ہے
مگر پھر بھی یہی جملہ
گلی کوچوں میں،چوباروں میں
چوباروں کی ٹوٹی سیڑھیوں پر
ہر جگہ کوئی کسی سے کہہ رہا ہے
کیا تمھیں مجھ سے محبت ہے

محبت ڈائری نہیں ہے
جس میں تم لکّھو کیا بات کہنی ہے، کون سی کس سے چھپانی ہے
کسی کے ساتھ کتنی دور تک جانا ہے اور کب لوٹ آنا ہے
کہاں آنکھیں جھکانی ہیں اور کہاں پلکیں اٹھانی ہیں
یا یہ لکھو کہ اب کی بار جب وہ ملنے آئے گا
تو اُس کا ہاتھ ھاتھوں میں لے کر
دھنک چہرے پہ روشن جگمگاتی اُس کی آنکھوں میں اُتر جائے گے
اور پھر گلشن و صحرا کے بیچوں بیچ دل کی سلطنت میں خاک اُڑائیں گے

بہت ممکن ہے وہ عجلت میں آئے
اور تم اُس کا ہاتھ، ہاتھوں میں نہ لے پاؤ
نہ آنکھوں ہی میں جھانکو اورنہ دل کی سلطنت میں خاک اُڑا پاؤ
جہاں پر گفتگو کرنی ہے تم خاموش ہو جاؤ
جہاں خاموش رہنا ہے وہاں تم بولتے جاؤ
نئے کپڑے پہن کر گھر سے نکلو، میلے ہو جاؤ
کوئی خوشبو لگانے کا ارادہ ہو تو شیشی ہاتھ سے گرجائے
تم ویران ہو جاؤ
سفر کرنے سے پہلے بے سروسامان ہو جاؤ

محبت ڈائری ہرگز نہیں ہے
آبِ جو ہے
جو دلوں کے درمیاں بہتی ہے خوشبو ہے
کبھی پلکوں پہ لہرائے تو آنکھیں ہنسنے لگتی ہیں
جو آنکھوں کے رستے دل میں اُترجائے تو منظر اور پس منظر میں شمعیں جلنے لگتی ہیں
کسی بھی رنگ کو چُھولے
وہی دل کو گوارا ہے
کسی مٹی میں گھل جائے
وہی مٹی ستارہ ہےمحبت ڈائری ہرگز نہیں ہے

(شاعرہ: مونا سحر)