Aankhon Se Mere Is Liye Laali Nahi Jati

Aankhon se mere is liye laali nahi jati
Yadon se koi raat jo khali nahi jati

Ab umar na mausam na wo raste ke wo palte
Is dil ki magar kham khyali nahi jati

Mange tu agar jaan bhi hans ke thujhe de dain
Teri to koi baat bhi tali nahi jati

Aaye koi aa kar ye tere dard sanbhale
Hum se to ye jageer sanbhali nahi jati

Maloom hamein bhi hain boht se tere qisye
Par baat teri hum se uchali nahi jati

Hamrah tere phool khilati thi jo dil mein
Ab sham wohi dard se khali nahi jati

Hum jaan se jaen ge tabhi baat bane gi
Tum se to koi rah nikali nahi jati

(Poet : Wasi Shah)